Mixail Şoloxov (sağda). Ortada Azərbaycan yazıçısı Əkrəm Əylisli.
Yazıçılar Nobel mükafatını nəyə xərcləyib?
-
Yazıçıya 1 milyon verəndə...
Mixail Şoloxov
Rus yazıçısı Mixail Şoloxov 1965-ci ildə aldığı Nobel mükafatını dünya səyahətinə xərcləyib. “Atam 1941-ci ilin Stalin mükafatını Müdafiə Fonduna keçirmişdi, Lenin mükafatını vaxtilə oxuduğu məktəbin təmirinə vermişdi, Nobel mükafatını isə özünə saxladı. O həmin pulu bizə – uşaqlarına Avropanı və Yaponiyanı göstərməyə sərf etdi. Biz maşınla İngiltərəni də, Fransanı da, İtaliyanı da başdan-başa gəzdik” – deyə yazıçının qızı Svetlana xatirələrində yazırdı.
İvan Bunin
Rus yazıçısı İvan Bunin mükafatı 1933-cü ildə almışdı. Buninlər ailəsinin dostu, şair, nasir Zinaida Şaxovskaya öz memuarlarında yazır ki, bir balaca praktiki xərcləsəydilər, mükafatın pulu onların ömürlərinin sonuna qədər yetərdi:
İvan Bunin
“Amma Buninlər nə mənzillər, nə də villalar aldılar... Fransaya qayıdan İvan Alekseyeviç... gəlirini-çıxarını hesablamadan məclislər qurmağa, emiqrantlara “müavinət” verməyə, müxtəlif cəmiyyətlərə iyanə paylamağa başladı. Nəhayət, qalan vəsaiti bəzi xeyirxah adamların məsləhəti ilə “yüzdə-yüz gəlir gətirəcək iş”ə yatırdı, o pullar da belə getdi”.
Rene Fransua Arman Sülli-Prüdom
Ədəbiyyat üzrə ilk Nobel mükafatı fransız şairi Sülli-Prüdoma verilmişdi (1901).
Bu pulla o öz adını əbədiləşdirməyə yönələn layihəyə start verir – öz adına mükafat təsis edir. “Sülli-Prüdom adına poeziya mükafatı”.
Mükafat şairin ölümünə qədər – cəmi 6 il verilir...
İrme Kerteş
Imre Kertecz
2002-ci ilin Nobelçisi mükafat pullarını xərcləmək ixtiyarını həyat yoldaşına vermişdi:
“Mənimlə birgə guşənişin və yoxsul yaşadığı onilliklərə görə həyat yoldaşım mükafat pullarını kefi istədiyi kimi xərcləmək haqqı qazanıb. Qoy özünə nə qədər istəyir pal-paltar, bər-bəzək alsın” - deyə İrme Kerteş mətbuata bildirmişdi.
Elfriede Jelinek
Avstriya dramaturqu, nasiri Elfriede Jelinek Nobeli 2004-cü ildə alıb. “Mükafat pulları sizin üçün nə deməkdir” – sualına o, “maliyyə müstəqilliyi” cavabını vermişdi.
Orxan Pamuk
Türk yazar mükafatın bir hissəsini İstanbulda öz “Məsumiyyət muzeyi” romanı əsasında yaratdığı eyni adlı muzey üçün binanın alınmasına, dizaynına, eksponatların hazırlanmasına xərcləyib.
Forbes.ru-nun materialları əsasında oxuzali.az
AzadlıqRadiosu Jurnalistika üzrə Təqaüd Proqramı elan edir
AzadlıqRadiosunu Rusiya hökuməti "arzuolunmaz təşkilat" elan edib
Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.
