Efirdən seçmələr
14-24
Məktəbdə döyüş

 Dinlə

 
 
Sorğu
... ... ...
 
Məzənnə
AZN /
USD
0,8104
 
AZN /
EUR
1,0087
 
AZN /
RUB
0,0293
 
 
 

Dünya

Rusiya Cənubi Osetiya və Abxaziyanın müstəqilliyini tanıdı

Dmitri Medvedev separatçıların liderləri Eduard Kokoytı və Sergey Baqapşla, 14 avqust 2008

26.08.2008

«Abxaziya və Cənubi Osetiyanın müstəqilliyinin Rusiya tərəfindən birtərəfli şəkildə tanınması Avropa Şurasına onun kimi üzv olan digər dövlətin ərazi bütövlüyünü pozur. Bu addım qeyd olunan iki regionun gələcək statusu haqqındakı mübahisələrin danışıqlar yolu ilə həll edilməsi perspektivlərinə təhlükə yaradır».

Avropa Şurasının baş katibi Terri Devis belə deyib. Onun sözlərinə görə, Rusiya hər iki yoldan istifadə edə bilməz:

«Əvvəllər Rusiya ərazi bütövlüyü prinsipini ciddi şəkildə dəstəkləyirdi. Bu prinsipə zidd olaraq Abxaziya və Cənubi Osetiyanın tanınması ilə bağlı verilən qərar istənilən obyektiv müşahidəçini təəccübləndirməlidir. Bu qərarın başlıca qurbanı isə Rusiya Federasiyasının beynəlxalq etibarıdır. Ruslar beynəlxalq qanundan ancaq özləri istədikləri vaxt istifadə edə bilməzlər»

                                                                       ***

Böyük Britaniyanın Xarici İşlər naziri Devid Milibend «Rusiyanın Gürcüstana təcavüzünə» qarşı geniş beynəlxalq koalisiya yaradılmasını təklif edib.

Rusiyanın Xarici İşlər naziri Sergey Lavrov isə bildirib ki, Abxaziya və Cənubi Osetiyanın tanınmasından sonra Rusiyanın beynəlxalq təcridindən ehtiyat etmir. Onun fikrincə, hadisələrin belə inkişafı heç də «dünyanın axırı» deyil.

                                                                        ***

ABŞ-ın Dövlət katibi Kondoliza Rays isə deyib ki, Rusiyanın «qiyamçı gürcü regionlarının» - Abxaziya və Cənubi Osetiyanın müstəqilliyini tanıması haqda qərarı «hüznlü» addımdır.

Bu arada ATƏT-də Rusiyanın qərarını pisləyib. «Cənubi Osetiya və Abxaziyanın müstəqilliyinin tanınması ATƏT-in fundamental prinsiplərini pozub. ATƏT bütün üzv ölkələri, o cümlədən Rusiya başqa dövlətlərin suverenliyi və ərazi bütövlüyünə hörmət etməlidir», - deyə ATƏT-in hazırkı sədri, Finlandiyanın Xarici İşlər naziri Aleksandr Stubbun bəyanatında bildirilir.

                                                                          ***

Prezident D. Medvedev Abxaziya və Cənubi Osetiya ilə dostluq haqda saziş imzalanana qədər Rusiyanın Müdafiə Nazirliyinə bu respublikaların ərazilərində asayişi təmin etməyi tapşırıb.

Medvedev həmçinin, Rusiyanın Xarici İşlər Nazirliyinə Suxumi və Sxinvali ilə diplomatik münasibətlərin qurulmasını tapşırıb.

                                                                          ***
Gürcüstan Rusiyanın qərarını «aşkar ilhaqçılıq» sayıb. Bunu Dmitri Medvedevin iki respublikanın müstəqilliyini tanımaq haqda çıxışından dərhal sonra Gürcüstanın Xarici İşlər nazirinin müavini Qiqa Bokeriya bəyan edib.

Rusiyanın qərarından bəzi Qərb ölkələri də kəskin narazılıq bildiriblər. Böyük Britaniya bunu «qəti surətdə qəbuledilməz», Fransa isə «təəssüfə layiq hərəkət» adlandırıb. Almaniya kansleri Angela Merkel bir daha Gürcüstanın ərazi bütövlüyü prinsipinə sadiqliyini bildirib.

Avropa Komissiyası isə bəyan edib ki, Moskvanın bu qərarı BMT-nin Gürcüstanın bütün əraziləri üzərində suverinliyini vurğulayan qətnamələri ilə ziddiyyət təşkil edir.

                                                                           ***

Rusiya Cənubi Osetiya və Abxaziyanın müstəqilliyini tanıdı. Rusiya prezidenti Dmitri Medvedev bununla bağlı müvafiq sərəncam imzalayıb. Dövlət başçısının bəyanatını ölkə televiziyası yayımlayıb.

«Osetin və abxaz xalqının azad iradəsini nəzərə alaraq…mən Rusiya Federasiyasının Cənubi Osetiyanın və Abxaziyanın müstəqilliyini tanıması haqda sərəncam imzalamışam», - deyə Medvedev bildirib.

Rusiya prezidenti deyib ki, «Saakaşvili özünün siyasi vəzifələrinin həlli üçün soyqırımını seçib. Rusiya abxaz və osetin xalqının məhvinin qarşısını alıb…Rusiya dözüm və səbr nümayiş etdirib. Dəfələrlə danışıqlara qayıtmağa çağırıb», - deyən Medvedev əlavə edib ki, bu çağırışlara nə NATO, nə də BMT-də məhəl qoyulmayıb.

Avqustun 25-də Rusiya parlamentinin hər iki palatası Cənubi Osetiya və Abxaziyanın müstəqilliyinin tanınması ilə bağlı prezidentə müraciət qəbul etmişdi.
 
 
Şərhin var?
Ad *
Məkan
E-mail
Şərh *
Yazmazdan əvvəl FORUMUN QAYDALARINI oxu

İsmarışlar 1-3 (3)
Kimdən: Şahin
26.08.2008 20:56

Yəyqin ki medvedev YAKUTYANIN.KEÇENİSTANIN.TATARISTANIN varlığını yaddan çıxarıb yoxsa gedib başqa-başqa yerlərdə xaqların suverinliyini axtaarmazdı.Əgər bu xalqlara müstəqilik verilsə rusiya özü volqa çayı sahilində xırda bir dövlətə çevrilər.İnanıram ki bir gün buda olacaq .medvedevin atdığı səv addımsa bu və digər xalqların müstəqillikləri haqqında düşünmələrinə kömək edəcək.Azərbaycan dovləti isə medvedevin atdığı addımdan lazımı nəticəni çıxartmalıdır, yoxsa sonra çox gec olacaq.

Kimdən: Mübariz Haradan: Bonn
26.08.2008 18:52

Göräsän Rusyanin Prezidenti Medvedev vä bash naziri V.Putin Tataristanda 20 milyon ümümü Rusyada 30 milyon nüfusu olan tatarlara bunu necä basha salacaq?
Bu qärar ümümü Rusya fedaral dövlätinin parchalanmasina bir addim atildi deylä däyärländirmäk mümkündür.

Kimdən: Realist Haradan: World
26.08.2008 17:11

Dünya üçün, ən əsası Azərbaycan üçün çox ağır presedentdir. Hazırkı vəziyyət regiondakı dövlətlərin mövqeyini bildirməsini gərəkdirir. Hadisələrin axarı Azərbaycanı iki yol ayrıcına sürükləyib: ya Rusiyaynın köləsinə çevrilmə, ya da NATO-ya inteqrasiya. Fikrimcə Ermənistanın Rusiyanı dəstəkləməsi(çox güman dəstəkləyəcək) fikri Qərbin Azərbaycana məcburən Qarabağ problemində kömək etməkdən və ölkəmizdə gec də olsa vətəndaş cəmiyyəti qurmaqda yardım etməkdən başqa çarəsi qalmayacaq.

İsmarışlar 1-3 (3)