-
«Azərbaycanın təbiətindən və irsindən ruhlanaraq, Ceyran və Nar ölkənin qürurlu tarixini və ümidverici gələcəyini əks etdirir. Bu cütlük Bakı 2015-in təbliğatında brend rolunda çıxış edərək, bütün dünyada I Avropa Oyunlarının simvoluna çevriləcək».
Noyabrın 25-də I Avropa Olimpiya Oyunlarının rəsmi simvolları elan edilib. Təşkilat Komitəsi simvolların xarakterini belə açıqlayır:
«Ceyran Azərbaycanın zəngin irsinə yolçuluğun mədəniyyət elçisi, Qafqaz dağlarından tutmuş Xəzərin sahillərinədək bələdçilik edəcək. Göyçayda yetişən, günəşi sevən, həyat eşqi və enerji ilə aşıb-daşan Nar Azərbaycan folklorunda birliyi tərənnüm edir».
Bakı-2015 Avropa Oyunları ümumilikdə 20 idman növü üzrə keçiriləcək: bunlardan 16-sı Olimpiya, dördü qeyri-Olimpiya idman növü olacaq. Yarışlara Avropa ölkələrindən 6 mindən çox idmançının qatılacağı gözlənilir.
