.
Ermənistan ordusu işğal etdiyi Azərbaycan ərazilərində irimiqyaslı hərbi təlimlər keçirir.
Bu barədə Ermənistanın “news.am” və digər informasiya agentlikləri xəbər yayıb.
Təlimləri aprelin 16-da Dağlıq Qarabağ separatçılarının lideri Bako Saakyan da izləyib.
Təlimlərin nə qədər davam edəcəyi və ora cəlb edilən hərbi qüvvələrlə bağlı hələlik ətralı məlumat yoxdur.
1990-cı illərin əvəllərində gedən hərbi toqquşmalar zamanı erməni silahlı qüvvələri Azərbaycanın Dağlıq Qarabağ regionu və onun ətrafında 7 rayonu işğal edib. Tərəflər 1994-cü ildə atəşkəsə razılaşsalar da hələlik yekun sülh razılaşması əldə etmək mümkün olmayıb.
Azərbaycanla Ermənistan tez-tez bir-birini atəşkəsi pozmaqda ittiham edirlər. Son vaxtlar atəşkəsin pozulması hər iki tərəfdən itkilərə səbəb olub.
Bakıda rəsmilər qeyd edirlər ki, Azərbaycan ərazilərinin işğalı ilə heç vaxt razılaşmayacaqlar.