Keçid linkləri

2024, 29 Mart, Cümə, Bakı vaxtı 10:44

Axundov mükafatı təsis edilsin!


Ədibin məzarı.
Ədibin məzarı.

-

İyunun 30-da Tbilisidə görkəmli ədib Mirzə Fətəli Axundzadənin anım mərasimi keçirilib.

Mədəniyyət və Turizm Nazirliyinin yaydığı xəbərə görə, bir qrup azərbaycanlı və gürcü ziyalı, yazıçı və şair Mirzə Fətəlinin dəfn olunduğu Tbilisidəki Botanika bağına gələrək böyük ədibin məzarı önünə əklil qoyub, xatirəsinə ehtiramlarını bildiriblər.

Gürcüstan İctimai Televiziyasının əməkdaşı Mirzə Məmmədoğlu, yazıçı-jurnalist Nizami Məmmədzadə, tərcüməçi-şair Allahverdi Təkləli və başqaları çıxış edərək mütəfəkkir ədiblə bağlı fikirlərini bölüşüblər.

Çıxışçılar yaradıcılığa şeirlə başlayan ədibin 1850-ci illərdə yazdığı 6 komediya ilə Azərbaycan milli dramaturgiyasının təməlini qoyduğunu xatırladıb, 1868-ci ildə Tbilisidə çap olunmuş ilk əlifba kitabının müəllifi də Mirzə Fətəli Axundzadə olduğunu bildiriblər. Mətbuata böyük maraq göstərən və Həsən bəy Zərdabini alqışlayan M.F.Axundzadə «Əkinçi» qəzetində «Vəkili-milləti-naməlum» təxəllüsü ilə çıxış edib və maarifləndirici məqalələr yazıb.

Çıxışlarda M.F.Axundzadə mükafatının təsis olunması, onun adıyla bağlı məqalə, araşdırma və tərcümə müsabiqələrinin keçirilməsi barədə təkliflər səslənib. Təkliflər müsbət qarşılanıb və mükafatın təsis olunması dəstəklənib.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG