►Teatr yay boyu hər həftənin şənbə və bazar günləri Xaqani bağında tamaşa göstərəcək
Bakı Uşaq Teatrı həftənin şənbə və bazar günləri axşam saatlarında şəhər sakinləri və paytaxtın qonaqlarının asudə vaxtlarının səmərəli və maraqlı təşkili məqsədilə yeni layihəyə start verib.
Mədəniyyət və Turizm Nazirliyindən AzadlıqRadiosuna verilən xəbərə görə, teatr yay boyu açıq havada hər həftə sonu, şənbə və bazar günləri 19:00-dan 21:00-dək Səbail rayonunda yerləşən Xaqani bağında (Malakan bağı) maraqlı tamaşalar nümayiş etdirəcək, balacalar üçün müxtəlif əyləncəli oyunlar və şoular təşkil edəcək.
Artıq mayın 28-dən teatrın repertuarında olan bir neçə tamaşa Xaqani bağında göstərilib.
